Жақтауы қайыңнан жасалған екі дөңгелекті велосипедтер сатылымға шығарыла бастады. Мың долларға жуық қаражаты бар адамдар ерекше көлікті міне алады.

Бұл туралы stan хабарлайды.

Есік өндірісімен айналысатын белорусиялық компания өз клиенттеріне ағаш велосипедтерге отырып көруді ұсынған. Өндірушілердің айтуынша, “бұл велосипедтер өте жеңіл, ыңғайлы, тұтынушылар оны оңай тебе алады” екен. Рөлдік трубасын, кареткасы мен басқа да бөліктерін жасау үшін болат қоспалар қосылған.

Фото: @belwooddoors_by

Қайыңнан жасалған жақтауы бар велосипедтер 1000 доллар, шаған ағашынан жасалғандары 1200 доллардай тұрады. Бағасы тапсырыс берушінің өтінішіне байланысты. Ағаш жақтауларға бес жылдық кепілдік беріледі екен. Велосипедтің бар салмағы 21 келі.