Америкалық Metropolitan Transportation Authority (MTA) транспорттық компаниясы болашақтың метросын көрсетті.

Арнайы роликте жарнама трансляциясы үшін цифрлық экрандар орнатылғаннан кейін Нью-Йорк автобус аялдамаларының, станцияларының және метро вагондарының қандай болатыны көрсетілген.

Ролик МТА-ның YouTube-каналында жарияланған.

Жоба қаланың транспорттық жүйесін жаңартуға арналған бағдарламаның бір бөлігі. Пойыздарда, станция платформаларында, теміржол маңында 50 мыңға жуық дисплейлер пайда болады.

Экрандар жарнамадан бөлек, транспорттың келу уақыттарын да көрсетеді.